„Кризен данок, а не еколошка такса“, го нарекуваат од ВМРО-ДПМНЕ предлогот на Владата да се воведе зелена такса на горивата.
„Кризниот данок на Заев од 4.13 денари врз горивата трајно ќе ја зголеми цената на горивата и со тоа новите давачките кои ги наметна лично Зоран Заев и лично оваа расипничка власт на СДСМ за еден литар гориво ќе изнесуваат цели 14 денари, истакна на денешната прес конференција портпаролот на ВМРО-ДПМНЕ, Димче Арсовски.
„Токму заради овие нови давачки на Зоран Заев и СДСМ македонските граѓани плаќаат енормно скапи горива, а само во последната година бензините од 50 денари по литар скокнаа на 71.5 денари, а дизелот од 46 денари по литар скокна дури на 63 денари. И ова е факт кој што граѓаните секојдневно го говорат. Толку големо покачување на цената на горивата доколку не беа давачките на Зоран Заев и СДСМ во форма на акцизи и даноци немаше да има“, рече Арсовски.
Според Арсовска ова поскапување на горивата ќе предизвика ценовен шок во земјата.