Судијката Александра Ристеска заедно со судечкиот совет, денеска изрече ослободителна пресува за Сашо Мијалков во предметот „Тортура“ и за поранешниот командат на полициската единица „Алфа“, Ивица Анчевски – Пуки како и за петмината „алфи“: Новица Станковски, Петар Милошевски, Филип Атанасов, Јован Боцевски и Метуш Шабани.
Ристеска кажа дека обвинителот Љубомир Лапе не докажал надвор од основано сомнение дека се виновни за делот мачење и друго сурово, нечовечко или понижувачко постапување и казнување.
Случајот „Тортура“ се однесуваше на начинот на кој беше уапсен Љубе Бошкоски на 6. јуни 2011 година пред ресторанот „Воденица“, ден по парламентарните избори.