Околу 12.000 странски државјани и Авганистанци вработени во амбасади и меѓународни хуманитарни организации се евакуирани откако Талибанците влегоа во Кабул, изјави денеска претставник на НАТО .
„Процесот на евакуација е бавен и ризичен, бидејќи не сакаме судири со Талибанците или цивилите пред аеродромот“, рече официјалниот претставник, кој не сакаше да биде именуван.
Поради хаосот и извештаите за талибанска населба, западните земји се обидуваат да ја забрзаат евакуацијата.
Талибанците ја отфрлија одговорноста за немирите на аеродромот, каде се илјадници луѓе, и посочуваат дека Западот можел подобро да ја испланира евакуацијата.
Според официјални претставници на НАТО и Талибан, најмалку 12 луѓе се убиени на аеродромот и околу него во изминатите седум дена. Талибанците побараа од оние кои немаат патни исправи да се вратат дома од аеродромот.