Министерот за економија Крешник Бектеши и директорот на АД „Национални енергетски ресурси“, Бајрам Реџепи од среда 22 септември до четврток 23 септември 2021 година ќе учествуваат на Министерскиот состанок на Партнерство за трансатлантска енергија и климатска соработка (P-TECC) кој што се одржува во Варшава, Полска.
Министерскиот состанок е во организација на Министерството за енергија на Соединетите Американски Држави и Министерството за клима и животна средина на Република Полска.Иницијативата Партнерство за трансатлантска енергија и климатска соработка (P-TECC), меѓународна платформа дизајнирана да им обезбеди на креаторите на политиките и засегнатите страни од граѓанското општество во Источна и Централна Европа ресурси и технички алатки за изградба на безбедни,климатски свесни енергетски системи.
САД, 22 европски земји и Европската унија учествуваат во иницијативата P-TECC. Главен фокус на овогодишниот Министерски состанок ќе биде поставување на климатска акција и праведна транзиција кон иднина со низок јаглерод и распоредување иновативни технологии за чиста енергија што создаваат работни места на двете страни на Атлантикот.