Поранешниот генерален секретар на Владата, Драги Рашковски и уште шест лица се обвинети за четири незаконски набавки, информираат од Обвинителството. Освен купување на софтвер за МВР, тој склучил уште три договори и незаконски исплаќал хонорари, велат од Обвинителството.
Истрагата за овој случај траеше околу половина година и заврши со обвинение за злоупотреба на службената положба и за перење пари. Од Обвинителството велат дека Рашковски во периодот од јуни 2017-та до февруари оваа година, со умисла помогнат од двајца надворешни соработници ги извршил делата што му се ставаат на товар.
Обвинителството бара и продолжување на мерката куќен притвор за Рашковски и за уште еден од обвинетите.
Штетата од извршеното дело се проценува на повеќе од 18,7 милиони денари.