Претежно облачно, претпладне со повремен локален дожд. Ќе дува умерен, повремено засилен ветер од северен правец, поизразен вдолж Повардарието. Минималната температура ќе биде во интервал од 4 до 9, а максималната ќе достигне од 9 до 15 степени.
Во Скопје, облачно со повремен слаб дожд, особено претпладне. Ќе дува умерен ветер од северен правец. Минималната температура ќе се спушти до 7, а максималната ќе достигне 10 степени.
Во среда и четврток ќе настапи преодно стабилизирање на времето, а ноќта кон петок и за време на викендот под влијание на влажен бран ќе има пообилни врнежи од дожд. На повисоките планини врнежите повремено ќе преминуваат во снег.