Само неколку дена откако беа евакуирани стотици лица од еден облакодер во Сиднеј, поради чудни звуци на пукање, повторно се случи евакуација и повторно поради истите звуци.
Овој пат евакуацијата е на подолг рок, односно на станарите им е кажано десетина дена да не се враќаат во своите домови, а за сите оние кои немаат каде да одат, градот ќе им обезбеди сместување додека не биде анализиран проблемот.
Евакуацијата се случи откако одреден дел на граѓани слушнале пукање на зградата, а дел од нив изјавиле дека дури забележале пукнатини на облакодерот кој бил пуштен во употреба пред само четири месеци.
Фирмата, пак, која го изградила облакодерот гарантира дека истиот е стабилен и дека нема простор за паника.