Белата куќа внимателно ги следи активностите преземени од Белорусија и е подготвена да воведе повеќе санкции за земјата поради извештаите дека белоруските сили би можеле да ѝ се придружат на Русија во нејзината инвазија на Украина, изјави висок претставник на администрацијата.
„Ние ги следиме тие настани многу внимателно“, рече функционерот на прашањето за извештаите за разузнавачките служби кои покажуваат дека Белорусија е подготвена да се приклучи на руската инвазија.
„Рековме дека до степен до кој Белорусија продолжува да ја помага и поддржува руската агресија во Украина, тие исто така ќе се соочат со последици“, рече претставникот.
Тој додава дека веќе се вовеле некои од тие мерки.