Обилните снежни врнежи во јужна Германија и смртта на скијачите во неделата ги поттикнаа властите да го подигнат предупредувањето за лавина во Баварските Алпи на највисоко ниво.
Службата за предупредување соопшти дека го зголемила нивото на алармирање од четири на пет скалила, предупредувајќи за “голема опасност од лавини во Баварските Алпи”.
20-годишна жена почина во саботата откако беше затрупана од лавина на планинскиот венец Тејзенберг во Горна Баварија, во близина на австриската граница.
Пет други луѓе од скијачка група беа повредени.
Во Вакерсберг во Горна Баварија, 44-годишниот скијач загина од паѓање од снежна карпа во неделата вечер. Човекот бил погоден од дрвјата што се скршиле под снегот, соопшти полицијата, при што веднаш загинал.Според полицијата, тој патувал сам.
Метеоролозите велат дека очекуваат на регионот, кој веќе е погоден со денови од обилните снежни врнежи, да падне уште 10 до 40 сантиметри снег до понеделник.
Ситуацијата на аеродромот е отежната од неделата, 15 летови се укинати, а другите со мали одложувања, изјави за АФП, портпаролката.
Понатамошни снежни врнежи се најавуваат и во наредните неколку дена.