Гугл го суспендираше секое рекламирање во Русија, потврди компанијата за Си-Ен-Ен.
„Со оглед на вонредните околности, ги паузираме рекламите на Google во Русија. Ситуацијата брзо се развива и ние ќе продолжиме да споделуваме ажурирања кога е соодветно“, се вели во соопштението на компанијата.
Одлуката ги опфаќа сите рекламни површини на Google во Русија, вклучително и рекламирањето за прикажување на Google, YouTube и пребарувањето, соопшти компанијата.
Одлуката на Гугл првпат беше објавена доцна во четвртокот од Ројтерс.
Овој потег уследи по сличната одлука на Твитер минатата недела да го прекине рекламирањето и во Русија и во Украина.
Не е јасно дали Мета, мајката на Фејсбук, исто така има намера да го прекине рекламирањето во Русија. Компанијата не одговори веднаш на барањето за коментар.
Гугл и Мета веќе презедоа чекори за да ги спречат руските државни медиуми да прикажуваат реклами на нивните соодветни платформи.