Германската канцеларка Ангела Меркел е во дводневна посета на Грција. Состанокот со Грчкиот опозициски лидер Киријакос Мицотакис ќе се одржи во резиденцијата на германскиот амбасадор во Атина, по што ќе следи прес конференција, додека пак утре, откако ќе положи цвеќе на споменикот на Незнајниот јунак пред грчкиот Парламент, ќе биде примена и од грчкиот претседател Прокопис Павлопулос. На агендата меѓу другите теми се економските реформи и спорот за името со Македонија.
Меркел се очекува да даде поддршка за ратификацијата на Договорот од Преспа во грчкиот парламент и да испрати порака дека грчката економија е на патот кон закрепнување.