ЕУ најави нови санкции против уште 160 руски граѓани во последната рунда казни насочени кон поддржувачите на режимот на претседателот Владимир Путин.
Со мерките ќе бидат погодени 14 олигарси и бизнисмени со санкции, како и 146 членови на Советот на Руската Федерација или Сенатот, кои го поддржаа признавањето на сепаратистичките региони во источна Украина.
Санкционираните руски државјани вклучуваат:
- Александар Винокуров, кој е оженет со ќерката на рускиот министер за надворешни работи Сергеј Лавров
- Дмитриј Пумпјански, претседател на одборот на директори на најголемиот светски снабдувач на челични цевки за индустријата за нафта и гас
- И Михаил Полубојаринов, извршен директор на државната авиокомпанија Аерофлот
Вкупно, околу 862 руски физички лица и 53 ентитети сега се санкционирани од блокот. Голем број белоруски институции исто така беа цел на ЕУ.