Тој рече дека Кремљ измислува лаги за да го оправда она што не може да се оправда.
Генералниот секретар на НАТО, Јенс Столтенберг , во неделата изјави дека Русија може да употреби хемиско оружје по инвазијата на Украина и предупреди дека таквиот потег ќе биде воено злосторство.
„Последниве денови слушнавме апсурдни тврдења за лаборатории за хемиско и биолошко оружје“, изјави Столтенберг за германскиот весник „Велт ам Зонтаг“, обвинувајќи го Кремљ дека измислува лаги за да го оправда она што не може да се оправда.
Столтенберг смета дека по објавувањето на овие лажни тврдења, мора да останеме внимателни бидејќи постои можност Русија да планира напад со хемиско оружје под овој изговор. Тој тврдеше дека тоа ќе биде воено злосторство.
Иако Украинците храбро се спротивставија на руската инвазија, следните денови најверојатно ќе бидат уште потешки, рече Столтенберг.