Обединетите нации повикаа на донации од 340,3 милиони американски долари за да се обезбеди помош за раселените и ранливите цивили во Авганистан.
Високиот комесар за бегалци на Обединетите нации (ОН) Филипо Гранди, давајќи писмена изјава по посетата на Авганистан, ја сподели информацијата дека „потребата од хуманитарна помош во земјата се зголемува и многу родители се борат да ги издржат своите семејства“.
Истакнувајќи дека речиси 3,4 милиони луѓе се раселени во Авганистан поради конфликтот, Гранди рече: „На 24 милиони луѓе во земјата им е потребна хуманитарна помош оваа година. Ги повикуваме донаторите да ја обезбедат потребната хуманитарна помош“.
„Доцна и недоволна помош ќе има лоши резултати во државата“
Давајќи информации дека на организациите кои работат во рамките на Планот за хуманитарна помош (ПХР) во Авганистан им се потребни вкупно 4,44 милијарди долари за да достават помош до 22 милиони луѓе во земјата, Гранди рече дека оваа година Високиот комесаријат на ОН за бегалци, раселени и други ранливи цивили во Авганистан.Тој подвлече дека му се потребни 340,3 милиони долари.
Подвлекувајќи дека е добиена само 28 отсто од досега побараната помош, Гранди предупреди дека „доцната и недоволна помош ќе има лоши резултати во земјата“.
Истакнувајќи дека ситуацијата во Авганистан нема да се подобри само со хуманитарна помош, Гранди рече дека ревитализацијата на банкарскиот систем во земјата и обезбедувањето продолжување на проектите за економски развој се исто така од витално значење.