Премиерот на Бугарија, Кирил Петков денеска се сретна со еврокомесарот за соседство и проширување Оливер Вархеи, соопшти владината прес-служба.
Двајцата разговарале за ситуацијата околу војната во Украина и нејзините ефекти врз земјите од регионот.
Петков го информираше еврокомесарот Вархеи и за резултатите од средбата на лидерите на земјите-членки на НАТО од Југоисточна Европа, што се одржа во понеделникот во Софија на иницијатива на бугарскиот премиер.
Петков и Вархеи разговараа и за билатералните разговори со Република Северна Македонија.
– Во нив Владата во Софија ќе ги брани позициите на Бугарија и првпат има сериозна поддршка во Европска Унија поради новиот пристап кон Скопје, изјави Петков.