Извештаите за злосторствата во близина на Киев ги поттикнаа Франција и Германија да протераат руски дипломати во понеделникот, а новинската агенција Ројтерс објави дека Италија, Данска и Шведска сега го направиле истото.
Италија протера 30 руски дипломати поради безбедносни причини, се цитираше портпаролот на министерот за надворешни работи Луиџи Ди Мајо.
Исто така, се вели дека Данска протерала 15 руски дипломати по појавата на докази за убиства на цивили во украинскиот град Буча, во близина на Киев.
Шведска, исто така, вели дека ќе протера тројца руски дипломати кои не постапуваат во согласност со меѓународните правила на Виенската конвенција, изјави министерката за надворешни работи Ен Линде.
Поранешниот руски претседател и заменик-претседател на Советот за безбедност, Дмитриј Медведев, одговори дека ќе возврати и „ќе ја затвори вратата на западните амбасади“, додава Ројтерс.