Бугарското МНР му врачи протестна нота на привремениот шеф на Амбасадата на Република Северна Македонија во Софија, Владимир Крастевски, поради палењето на бугарскиот културен центар кај Иван Михаилов во Битола, пишува БТВ.
Палењето на културниот центар на Бугарите во Битола е уште една провокација, дел од долгогодишната антибугарска кампања во северна Македонија“, се вели во ставот на претседателот Румен Радев.
Радев ги повика институциите во РСМ да ја сфатат својата одговорност кон помладите генерации и да не дозволат омразата да владее со јавниот простор.
„Иднината на регионот не треба да биде заложник на обидите за дестабилизација на злонамерните маргинализирани групи“, напиша премиерот Кирил Петков на Фејсбук.
Сигналот за пожарот во домот за култура бил даден околу 5 часот утринава.
Властите во Северна Македонија велат дека станува збор за „намерно палење“ и „вандалски напад“.