Партијата ВМРО-ДПМНЕ велат дека СДСМ народот веќе не ги трпи, затоа бегаат од предвремени избори. Црнилата се присутни секаде, во економијата, здравството, образованието, земјоделието, безбедноста, социјалната заштита, буквално во секој сегмент од општеството, велат од таму.
„СДСМ се исплашени. Знаат дека народот веќе нема намера да ги трпи нивниот криминал и неспособност и затоа избегаа од одлука за распишување предвремени парламентарни избори. Оставија Зоран Заев да одбере помеѓу интересите на народот и државата од една страна и интересите на криминалниот картел од друга.
Предвремените парламентарни избори се единствен спас за Македонија, која оваа власт ја зави во црно. Црнилата се присутни секаде, во економијата, здравството, образованието, земјоделието, безбедноста, социјалната заштита, буквално во секој сегмент од општеството.
СДСМ две години не направи ништо за државата и граѓаните. Потрошија милијарди евра народни пари, а нема ниту еден проект. Сите инфраструктурни зафати од време на ВМРО—ДПМНЕ беа запрени, за сега по две години да продолжат таму каде што ВМРО—ДПМНЕ застана.
Оваа власт буквално го исцеди народот. Наместо парите кај граѓаните, ни се случува парите да одат кај картелот на власт и нивните фирми.
СДСМ не бира начин како да земе денар повеќе од џебот на граѓаните, затоа ги покачија и даноците и удрија врз пазарџиите, само со една цел, да има повеќе пари за зделки во четири очи и милионски тендери на кои најчесто добиваат фирми основани непосредно пред објавување на огласите, се потенцира понатаму во соопштението.“