Украина доби серија од уште четири високомобилни артилериски ракетни системи HIMARS од американско производство, соопшти денеска украинскиот министер за одбрана Алексеј Резников.
„Благодарен сум на американскиот претседател Џо Бајден, на секретарот за одбрана Лојд Остин и на народот на САД за зајакнувањето на украинската војска“, напиша министерот Резников на Твитер.
Ракетните системи ХИМАРС имаат поголем дострел и се попрецизни од украинската артилерија од времето на Советскиот Сојуз, што им овозможува на украинските сили да гаѓаат во руски цели кои претходно биле недостапни.