Австралиската авиокомпанија Qantas побара од високите раководители во компанијата да се приклучат на работата во секторот „Багаж“ на три месеци. Ова доаѓа додека превозникот се обидува да се справи со акутниот недостиг на работна сила.
Менаџерот за операции на компанијата бара најмалку 100 волонтери за работа на аеродромите во Сиднеј и Мелбурн, јавува Би-Би-Си.
Должностите вклучуваат товарење и истовар на торби, како и управување со возила за транспорт на багаж низ аеродромите.
Од менаџерите и извршните директори во компанијата се бара тоа да го прават три или пет дена во неделата, во смени од четири или шест часа.
Важно појаснување е дека апликантите мора да можат да носат куфери со тежина до 32 килограми секој.
Qantas беше меѓу авиокомпаниите погодени од пандемијата. Тогаш беше неопходно да се запрат многу летови. Така, превозниците отпуштија илјадници вработени, многу од нив персонал на земја.
Австралија имаше некои од најстрогите ограничувања за патување со Ковид во светот. Со мерките сега многу порелаксирани, Qantas и другите големи авиокомпании се борат да ги обноват услугите на скалата што беше забележана пред пандемијата.
Авиокомпаниите и аеродромите во Велика Британија, исто така, се соочија со недостиг на персонал, што доведе до одложувања и откажувања на летови.
Аеродромите, вклучително и Хитроу, ставија ограничување на бројот на патници во текот на летото.