Во време на криза и старт на најтешката зима, како што велат надлежните, Општина Чаир распиша тендер за сувенири односно чаши, привезоци, и украсни камења.
Oбјавениот тендер се однесува и за изработка на леени фигури на албански значајни личности како „Скендербег“, „Саат кула“ и „Хасан приштина“, сите гравирани од алуминиум.
Во тендерот кој е објавен на веб страницата на општината, се бара да се купат и 1.000 столици, над 500 чаши и шишиња сувенири, сите гравирани со логото на општина Чаир. На листата се и дрвени привезоци, украсни камења.
Сепак во тендерот никаде не пишува колку пари ќе бидат потрошени за набавка на овие сувенири.
