Руските безбедносни служби ја ставија Наталија Вовк на меѓународна потерница и ќе бараат земјата во која се наоѓа да ја предаде на руските власти за убиството на Дарја Дугин, ќерката на познатиот руски геополитичар Александар Дугин.
Бидејќи беше наведено дека Наталија Вовк избегала преку регионот Псков во Естонија, локалните власти тврдат дека не добиле никакво официјално барање од руска страна во врска со преминувањето на руско-естонската граница од страна на Наталија Вовк, за која ФСБ се сомнева дека како член на СБУ, ја следела и ја убила Дарја Дугин.
Од друга страна, истрагата продолжува како Наталија Вовк или Шабан, чие презиме стои во документите, влегла во Русија. Се претпоставува дека најверојатно користела лажни документи.
За тоа време на социјалните мрежи се појавуваа се повеќе фотографии од Наталија Вовк и нејзината ќерка, а се тврди дека, според ФСБ, таа всушност поставила експлозив под теренецот на Дарје Дугин.
„Русија ќе ја покрене темата за убиството на Дарија Дугина на состанокот на Советот за безбедност на ОН на 23 август“, изјави постојаниот претставник на Руската Федерација во ОН Небензја.
Да потсетиме, руската ФСБ денеска соопшти дека Наталија Вовк и нејзината четиринаесетгодишна ќерка се главни осомничени за убиството на ќерката на познатиот руски геополитичар Александар Дугин. Како што се наведува и како што е објавено во снимките, кои ФСБ ги објави за руските медиуми, Наталија Вовк може да се види во различни ситуации за време на нејзиниот престој во Москва. Наводно, според ФСБ, изнајмила стан во зградата во која живеела Дарја Дугин. Тоа и го олесни следењето на секојдневните навики и движења пред ликвидацијата.
Исто така, ФСБ наведува дека таа имала асистент од редовите на националистичкото движење Азов, чиј поранешен член била Наталија Вовк, што е информација што руски хакери ја доставиле до ФСБ.