Таткото и синот стоматолози, Жан-Клод Карно (71) и Лајонел Гуеџ (42) од Марсеј, Франција, се осудени на затворски казни поради лекарска грешка.
Синот доби осум години затвор, а таткото пет, пренесува Le Telegramme.
Тие беа прогласени за виновни за осакатување на стотици пациенти во текот на шест години. Судијата изјави дека дуото вовело систематизирани третмани кои ги уништувале животите на луѓето, оставајќи ги без насмевка и во неподнослива болка.
Affaires #dentistes père et fils #Marseille Lionel #Guedj est condamné à 8 ans de prison et Jean-Claude condamné à 5 ans Le parquet avait requis respectivement 10 ans et 5 ans dont 1 avec sursis pic.twitter.com/vDNg2MPXDZ
— jfgiorgetti (@JFGiorgetti) September 8, 2022
Казната беше образложена со долгиот период во кој се случило злосторството, бројот на жртвите и „многу сериозната штета“ што е причинета.
Се наведува и дека ги злоупотребиле правилата на стоматолошката професија.
Насобраните во судницата аплаудираа по пресудата.
Како што докажа обвинителството, Лајонел Гуеџ извадил или лекувал речиси 4.000 здрави заби и поставил 28 пати повеќе протези од просечниот француски стоматолог. Обвинителството за него побара десет години затвор под обвинение за намерно осакатување луѓе.