Кратерот последен пат исфрла лава 17 дена.
Вулканот Питон де ла Фурнез во францускиот прекуморски департман Реунион, остров во Индискиот Океан, почна да еруптира за прв пат оваа година рано утринава. Ова го соопшти вулканолошкиот центар за следење на Питон де ла Фурнез, пренесе Франс прес.
#LaRéunion : Première #éruption de l'année pour le Piton de la Fournaise
🌋La source de l'éruption est localisée sur le flanc sud sud-ouest du volcan, et située dans une zone totalement inhabitée
➡️https://t.co/zdCFWykEFS pic.twitter.com/xD9m96NNK3
— Outremers360 (@outremers360) September 19, 2022
Според вулканолозите, „изворот на ерупцијата се наоѓа на југо-југозападната падина на вулканот“, во целосно ненаселена област, „без особено да се загрозува безбедноста на луѓето, материјалните предмети или животната средина“, прецизираат локалните власти.
Опремата на вулканолошкиот центар ја регистрира лавата што излегува на површината. Вулканскиот масив е покриен со густ облачен слој и сè уште не е можно визуелно да се набљудува феноменот.
Pour la première fois en 2022, le Piton de la Fournaise est entré en éruption. https://t.co/PGfDEgfHpH
— DNA (@dnatweets) September 19, 2022
Од безбедносни причини, властите го забранија секој пристап до централната калдера на вулканот – местото каде што кратерот сам се урива.
Питон де ла Фурнез е меѓу најактивните вулкани во светот. Во последната деценија еруптираше дваесет пати. Последен пат тоа се случи на 22 декември 2021 година, а ерупцијата траеше 17 дена.
À La Réunion, le Piton de la Fournaise est entré en éruption 🌋
🔸 La source de l'éruption est localisée sur le flanc Sud-Sud-Ouest, dans le secteur du cratère Rivalshttps://t.co/ItXLu8yMXU pic.twitter.com/SbvVZKaSx5— La1ère.fr (@la1ere) September 19, 2022
Ерупциите на Питон де ла Фурнез се нарекуваат ефузивни или „хавајски тип“. Лавата тече главно по падините на вулканот за разлика од експлозивните ерупции каде вулканите исфрлаат облаци од пепел високо кон небото.