Огромен профит за Грција од свадбен туризам. Странците од целиот свет плаќаат огромни суми за да се венчаат на грчки остров во близина на брегот.
Младенци од Израел платиле еден милион евра за свадбена прослава на островот Самос, велат организаторите. Во последниве години, грчките острови привлекоа странци од целиот свет кои сакаат и можат да си дозволат да се венчаат на грчки остров. Бранот почна со Кинезите, па Европејците, а сега пристигнуваат од целиот свет.
Градоначалниците на неколку острови известуваат дека до крајот на годината има свадбени веселби на странци. Компаниите организатори пријавуваат многу резервации и за следната година.
На прво место меѓу преференциите се островите Санторини, Миконос, Родос, но модата „свадба во Грција“ стигна и до Кефалонија, Кос и Самос, пренесува БНР.
Свадбениот туризам силно ги поддржува локалните производители. Организаторите работат по нарачка на клиентот, при што многу од странците инсистираат на елементи од античката грчка историја.
Младенците од Индија летово нарачале театарска продукција „Боговите на Олимп“, а нивните трошоци за церемонијата надминале 2 милиони евра, соопштија од островот Миконос.