Маж денеска соборил две антички бисти од антички Рим во Музеите на Ватикан, предизвикувајќи умерена штета пред да биде запрен и уапсен од персоналот, изјавил извор од музејот, пренесе Ројтерс.
Изворот, кој зборува анонимно додека истрагата е во тек, изјави за Ројтерс дека станува збор за маж на околу 50-ти години кој „се однесувал чудно“.
Тој соборил две бисти од нивните постаменти во музејската сала Кјарамонти, во која се сместени повеќе од 1.000 експонати и е една од најважните збирки на римски бисти.
Оштетени две бисти
Вработените во музејот го задржале човекот, а ватиканската полиција пристигнала неколку минути подоцна да го уапси. Двете бисти се оштетени, но не многу тешко, вели изворот, додавајќи дека тие веќе биле однесени на поправка во лабораторијата за реставрација на музејот.
A tour guide friend says Vatican police have reportedly detained a man, possibly South American, after he toppled several Roman busts in the Vatican Museums, allegedly to protest #PopeFrancis not seeing him. pic.twitter.com/6VKvnOQSst
— Megan Williams (@MKWilliamsRome) October 5, 2022
На фотографиите направени од посетители и објавени на социјалните мрежи се гледаат двете бисти како лежат на мермерниот под. Откако мораа да го затворат или намалат работното време за време на пандемијата, музеите на Ватикан сега примаат голем број посетители.
Шест милиони туристи ги посетуваа Музеите на Ватикан годишно пред пандемијата. Најозлогласениот напад на уметноста во Ватикан се случи во 1972 година, кога Унгарец го прескокна олтарот во базиликата Свети Петар и со чекан го удри Пиета на Микеланџело.