АДВОКАТ на поранешната руска телевизиска новинарка Марина Овсијаникова, обвинета за ширење лажни вести за руската војска, рече дека неговиот клиент ја напуштил земјата откако избегал од домашен притвор.
Адвокатот Дмитриј Захватов вели дека Овсијаникова сега е под заштита на европската држава, пишува Sky news. Захватов одби дополнително да коментира за случајот и што се случило бидејќи тоа може да претставува проблем за неговиот клиент.
Во директен пренос на руската државна телевизија таа протестираше против војната во Украина
Руска новинарка стана меѓународно позната кога упадна во студиото на руската државна телевизија во март за да ја осуди војната во Украина во директен пренос. Таа држеше плакат на кој пишуваше: „Стоп за војната, не верувајте во пропагандата, овде ве лажат“.
Во тоа време, таа беше уредничка на ноќната информативна програма „Времја“, но откако ја напушти работата, стана активист, организирајќи антивоени настани и зборувајќи против конфликтот.
Таа беше казнета поради кршење на законот за протести, а подоцна на социјалните мрежи ги осуди одговорните за војната. Таа е казнета со 30.000 рубљи, што е околу 492 евра.