Климатските активисти протестираа денеска на аеродромите во Берлин и Минхен против евтините авионски патувања, при што некои демонстранти се држеле за пистите, објави Ројтерс.
Портпаролот на аеродромот во Берлин изјави дека засега не е нарушен летачкиот сообраќај.
Конзервативната група Last Generation соопшти дека ја повикала владата да престане со субвенционирање на воздушниот сообраќај и наместо тоа да ги прошири евтините железнички опции.
Групата објави дека нејзини активисти блокирале улици и на неколку места во главниот град на Германија.
Климатските демонстранти накратко блокираа една од двете писти на аеродромот во Минхен, изјави портпаролот на аеродромот, цитиран од ДПА.
Според него, активистите се залепиле за пистата, но полицијата ги одлепила и аеродромот продолжил со нормална работа.
Демонстрантите на аеродромот во Берлин подоцна се обидоа по втор пат да ја попречат работата на аеродромот. Полицијата соопшти дека некои луѓе се инфилтрирале во безбедносната област и дека операциите се уште се во тек.
Во последниве месеци во Германија е зголемена активноста на демонстрантите во врска со климатските промени. Најмногу слава стекнаа активистите од организацијата „Последна генерација“. Нејзините членови се залепија на слики во музеи, организираа улични блокади и пред две недели привремено ја затворија пистата на аеродромот во Берлин.
Активностите на активистите за климата поттикнаа зголемени повици за построги последици за нивните протести, кои го нарушуваат јавниот живот. Многу активисти се уапсени и обвинети.