Кинеските здравствени власти од денеска престанаа да пријавуваат асимптоматски случаи на СОВИД-19 бидејќи многу луѓе повеќе не се тестираат, што го отежнува составувањето точна статистика, објави Ројтерс.
Во земјава вчера биле пријавени 2.291 нови симптоматски случаи, наспроти 7.679 нови случаи еден ден претходно, од кои 2.315 биле симптоматски, а 5.364 асимптоматски, опфатени со посебна статистика.
Со исклучок на увезените случаи, Кина забележа 2.249 нови внатрешно пренесени симптоматски случаи. Пред еден ден, внатрешно преносливи случаи беа 7.451, вклучително и асимптоматски случаи.
Во последните 24 часа, како и во претходниот ден, не се регистрирани смртни случаи, со што вкупниот број на починати во земјата се искачи на 5.235. До 13 декември, во континентална Кина се потврдени 369.918 случаи на симптоми.
За високоризичните групи и лицата над 60 години во земјава ќе се обезбеди втора бустер доза на вакцина.