Осум лица загинаа, а повеќе од 20 се повредени во напади во областа Луганск под контрола на руските сили во источна Украина, јавија ТАСС и Ројтерс.
Уништена е зграда во селото Лантратовка, а се претпоставува дека има луѓе заробени од урнатините.
Според проруските власти во Луганск, украинските сили утрово нешто по 4 часот по локално време истрелале 3 проектили од американско производство, пренесува БНТ.
Сирените за воздушен напад утрово се вклучија во Киев и на други места во Украина по руските ракетни напади, соопштија локалните власти.