Тројца капачи загинаа, а 17 други се тешко повредени кога бран погоди популарна плажа во југоисточниот град Дурбан во Јужна Африка, соопштија службите за итни случаи.
„Имаше необичен бран кој фрли некои луѓе во морето, три лица се удавија, а 17 лица беа пренесени во болница“, изјави за AFP Роберт Мекензи, портпарол на службите за итни случаи во провинцијата КваЗулу-Натал.
Тој рече дека едно од загинатите е дете на возраст од околу седум или осум години, а повредените се „во сериозна или критична состојба“.
Инцидентот се случил околу 17 часот (15 часот по Гринич) во Заливот на Пленти, една од популарните плажи во третиот по големина град во Јужна Африка.
Службите за итни случаи соопштија дека стравуваат дека бројот на загинати ќе се зголеми по „невообичаениот“ настан.
Дурбан постепено ги отвора своите плажи откако тие беа затворени поради високите нивоа на E.coli што доаѓа од канализациониот систем на градот, кој беше тешко оштетен од смртоносните поплави претходно оваа година.
Во најлошите поплави во историјата на градот во април загинаа повеќе од 400 луѓе.