Повеќе од 50 летови беа одложени или откажани денеска од аеродромите во Москва поради снежни врнежи и силни ветрови, пренесе ТАСС, повикувајќи се на податоци од аеродромите во главниот град.
Метеоролозите предупредија дека се очекува голомразица и обилен снег, јави БТА. Денеска се очекува ветерот да биде до 15 метри во секунда, што ќе создаде тешки услови за пилотите и возачите.