Украинскиот енергетски оператор „Укренерго“ во понеделникот соопшти дека ќе бидат спроведени вонредни исклучувања во главниот град Киев и во десет други региони по новиот бран напади со руски беспилотни летала, пренесува АФП.
„Во текот на ноќта, непријателските борбени беспилотни летала беа насочени кон енергетски објекти низ целата земја… Распоредот за итно исклучување се спроведени во регионите Суми, Харков, Полтава, Днепропетровск, Запорожје, Кироворад, Житомир, Чернихив, Черкаси и Киев и во градот Киев. “, се наведува во соопштението на „Укренерго“.