Ситуацијата во четирите украински региони анектирани од Русија е „исклучително тешка“. Тоа го призна и рускиот претседател Владимир Путин.
Во видео обраќањето, Путин ги повика руските специјални служби да ја зајакнат безбедноста на границите и им наложи да ја зајакнат контролата врз општеството.
Во септември, рускиот претседател на свечена церемонија во Кремљ објави анексија на четири украински региони – околу 15% од територијата на соседната земја.
Претходно овој месец, рускиот претседател призна дека она што Кремљ го нарече „специјална воена операција“ во Украина „може да биде долг процес“.