Град Скопје објави и втор оглас за избор на приватни превозници кои ќе бидат дел од јавниот превоз во градот. Откако на 9 декември беше објавен оглас само за линиите 20 и 22, една недела подоцна објавен е и втор оглас за превозници на линиите 9, 11 и 12. За линијата 9 се бараат 15 автобуси и 31 возач, за линијата 11 пет автобуси и 10 возачи, а за линијата 12 се потребни осум автобуси и 18 возачи.
И овој оглас е идентичен оној од пред една година, кога Арсовска потпиша договори за две години со превозниците „Слобода превоз“ и „Макекспрес“.
Понудите ќе се оценуваат според возен парк, човечки ресурси, техничка логистика, искуство во вршење на општински линиски превоз на патници“, стои во огласот објавен на страната на Град Скопје.