Денеска пред Министерството за здравство се одржуваат протести од страна на Асоцијацијата за цистична фиброза.
Тие велат дека до овој момент, и покрај ветувањата кои што до сега ги добивале од Министерството за здравство, Фондот за здравство и Одделите каде се лекуваат пациентите, нема поместување во третманот на болеста кон подобро, а здравствената состојба на секој од нив се влошува.
„Асоцијацијата за цистична фиброза водеше активна кампања, за да ги поттикне надлежните институции за воведување на модулаторна терапија за сите пациенти. Терапија која од корен ја видоизменува состојбата на пациентите. Собрани се над 10 000 потписи во знак на поддршка на петицијата и истите беа приложени и до Министерството за здравство. Зошто се уште нема обезбедено терапија и дали ќе се обебеди, немаме добиено одговор“, додаваат од таму.