Транспортниот хаос и снежните бури продолжуваат да владеат со САД. Речиси 70 се веќе жртви на лошото време преку океанот.
Снежни виулици и рекордно ниски температури зафатија голем дел од државите и Канада. Поради нив беа откажани илјадници летови, што предизвика вистински хаос на аеродромите.
Се очекува ситуацијата да се влоши во пресрет на новогодишните празници, кога повторно милиони луѓе ќе посакаат да ја дочекаат новата година некаде далеку од дома.