Рано утринава во Киев се слушна експлозија , јави дописникот на Ројтерс, додека властите известија за нов руски ракетен напад.
Русија ги засили нападите околу Херсон и Запорожје, каде што гранатираше повеќе од 25 населени места, се вели во соопштението на украинската војска. Обновата на Украина по војната ќе биде најголемиот економски проект во Европа, изјави Володимир Зеленски.
Во своето годишно обраќање пред пратениците во Врховната Рада, украинскиот претседател изрази уверување дека неговата земја ќе излезе како победник од војната.
Во исто време, рускиот министер за надворешни работи Сергеј Лавров рече дека Русија има за цел да го прекине снабдувањето со оружје за Киев бидејќи Москва го следи зголеменото снабдување со напредна воена опрема од Запад.