Две лица загинаа, а 14 се повредени во пожар во португалскиот главен град Лисабон, јави Франс прес, повикувајќи се на спасувачките служби. Меѓу повредените има и 4 деца.
Пожарот избувнал во приземјето на задруга во областа Мурарија. Тој брзо бил ставен под контрола од пожарникарите. Повредените не се во тешка состојба.
Градоначалникот на португалската престолнина Карлос Моедас изјави дека меѓу жртвите можеби има и странци, пренесе радиото Тесеф.
Многу имигранти живеат во Мурарија, особено оние од јужноазиските земји.