Откако порталот „Аваз“ ја објави веста дека млада брачна двојка од Сараево сака да посвои девојче родено во урнатините по земјотресот во Сирија, голем број луѓе ја контактирале таа редакција со надеж дека и тие ќе се обидат да стигнат до бебето кое остана сирак.
Потресни сцени од последиците од земјотресот го обиколија светот, фотографиите и видеата од децата кои се извлекуваат од урнатините во Турција и Сирија предизвикуваат посебни емоции кај луѓето.
На порталот се јавила госпоѓа од Брчко, за да го објави својот апел и желба да дојде до девојче кое е родено во Сирија, а мајка и починала по породувањето.
Покрај брачната двојка од Сараево која се јави вчера, а сега и оваа госпоѓа, пристигнаа и голем број пораки од луѓе кои им пишуваат од различни краеви на светот, со надеж дека ќе им помогнат да дојдат до оваа девојка.
“И мојот сопруг и јас би сакале да го посвоиме тоа девојче, бидејќи не можеме да имаме сопствено дете. Ние сме од Словенија. Дали знаете како да стапите во контакт со болницата каде што моментално е бебето?”, прашала друга госпоѓа/