Воените лидери на Судан и подемократските сили ветија дека ќе започнат со формирање на преодна влада предводена од цивили на 11 април, изјави портпаролот на двете страни, Калид Омар.
На прес-конференцијата што ја емитуваше суданската државна новинска агенција СУНА, Омар рече дека конечниот политички договор, првпат постигнат во декември, ќе биде потпишан на 1 април. Новиот преоден устав ќе биде потпишан неколку дена подоцна, додаде тој.
Судан западна во хаос откако воениот удар предводен од генералот Абдел Фатах ал-Бурхан ја собори владата поддржана од Западот во октомври 2021 година и го смени курсот на краткотрајната транзиција кон демократија. Тоа доаѓа повеќе од две години по бунтот со кој беше соборен Омар Башир и неговата исламистичка влада.
Ќе започнеме со формирање на институциите на преодните власти на 11 април“, најави Калид Омар.
Комитетот составен од 11 членови – 9 продемократски водачи, еден претставник на армијата и една од најголемите вооружени групи, Силите за брза поддршка – има задача да го подготви конечниот договор.
Сепак, некои клучни политички играчи – од поранешни бунтовници до локални продемократски мрежи – остануваат против договорот и покрај обидите да се привлечат.
Враќањето на демократијата во Судан најверојатно ќе доведе до нов бран финансиска поддршка за оваа африканска земја. По пучот, меѓународната помош пресуши и недостигот на леб и гориво стана секојдневие, делумно поради војната во Украина. Ова ја фрли суданската економија која веќе беше погодена од инфлација во уште поголем хаос.