Здравствените работници се бесни на Владата.
Тие велат дека проблемите се таложат во здравството, а надлежните не преземаат ништо за истите да се спречат.
Синдикат при геријатриската болница „13 ноември“ кои претставуваат и голем број вработени од здравствените домови низ Македонија бараат власта да ги исполни ветувањата за повисоки плати, да се признае образованието на медициснките сестри и негувателки, да нема деградација, а да има подобри услови за работа.
Во спротивно, како што велат, ќе протестираат и ќе го блокираат цело Скопје.
„Ќе го блокираме Скопје, на двата влеза, и од Ѓорче и од Автокоманда, а и Центарот на Скопје. Ќе го блокираме Центар за да не можат да отидат на работа ниту Претседатели на судови, ниту на Собрание, ни на Влада. Нека си одат пешки, а не со возила“, велат од таму.