Украинскиот претседател Володимир Зеленски изјави дека нема да толерира корупција или предавство во владините работи додека Украина се бори да најде средства да се одбрани од, како што вели, руските напаѓачи.
Зеленски во своето ноќно видео обраќање апелираше против корупцијата во време кога на виделина излегоа два значајни случаи – апсењето на армискиот офицер за регрутирање обвинет за масовна проневера и заменик обвинет за соработка со Русија.
Тој, обраќајќи им се на пратениците, рече дека повеќе нема да ги толерира оние кои „за некаква лична корист“ одбиваат да ги поддржат законите што и се потребни на Украина за да ја започне својата долга кампања за обезбедување членство во ЕУ, пренесува Ројтерс.
– Дозволете ми да ги предупредам сите пратеници, функционери и сите кои работат како државни службеници. Кога поминувате денови барајќи оружје за земјата, кога вниманието на сите е насочено кон тоа дали има артилерија, проектили и беспилотни летала, ја чувствувате моралната сила што нашите војници и ја дадоа на Украина. „Никој нема да им прости на членовите на парламентот, судиите, воените функционери или кој било друг функционер што стојат во опозиција на државата“, рече Зеленски.
Зеленски минатиот месец ги објави плановите за ревизија на воените канцеларии за регрутирање за да се обиде да ја елиминира корупцијата.