Млада странска државјанка родила девојче во Националниот парк Пакленица во Хрватска.

Пред два дена на Фејсбук профилот на Хрватската планинска спасувачка служба беше објавено дека  млада странска државјанка родила девојче во Националниот парк Пакленица.

„Денеска во 14 часот и 51 минути нашите спасувачи добија пријава за породување во објектот „Лугарница“ во Националниот парк Пакленица од вработени во паркот. Мајката и новороденчето безбедно се префрлени во кањонот каде и се предадени на екипата на Брза помош. Комуникацијата за време на акцијата била отежната поради немањето мобилен сигнал. Имаше 7 припадници на ХГСС, екипата на ХМП и еден вклучен доктор. Посебно сакаме да ја истакнеме добрата соработка со вработените во НП Пакленица“, напишаа на Фејсбук.

Не ни знаела дека е бремена

По породувањето, управителот на НП Пакленица Наталија Андач потврди дека родилката не знаела дека е бремена и дека за среќа во спасувачката екипа имало и гинеколог. Дополнителни детали за ова открија анестезиологот Анела Ушановиќ и гинекологот Дора Перинчиќ, кои беа сведоци на овој момент како членови на ХМП.

Ушановиќ рече дека ова не е рутинска интервенција и дека никогаш не учествувала во таква постапка. „Можам да кажам дека сите имавме среќа што денеска бев дел од дежурната екипа, што бевме први на местото на настанот“, изјави таа за RTL.

Се породила сама во тоалет

Девојчето се породило сама во Лугарница. „Кога стигнавме, породувањето беше во завршна фаза. Таа сама се породи во ВЦ во Лугарница. Влеговме со сета медицинска опрема и почнавме да се грижиме. Имавме среќа што имавме дополнителна помош од ГСС во близина. Дојде гинеколог а таа ми олесна да помогнам“, додава Ушановиќ.

Гинекологот Перинчиќ, кој учествувал во пораѓања на трудници кои не ни знаеле дека се бремени, вели дека тоа никогаш не се случило во вакви услови. Сè, вели таа, за неа било многу емотивно. Според членот на ХГСС, Марко Раковац, мајката била во емотивен шок, но добро се справила со тоа.