Неименувана девојка по потекло од Србија пријавила дека ја претепале тројца мажи од Франција со кои дошла на одмор на Крит. Мажите исчезнале по инцидентот, а оттогаш полицијата интензивно трага по нив, пишува Cretalive.gr.
Како што пишува Блиц, српската државјанка со возило на брза помош била пренесена во болница, каде по нападот и била прегледана. Според првичните информации таа се здобила со бројни видливи повреди по телото, меѓу кои и скршеница на носот.
Како што пренесува Нет.хр, Србинка и тројца мажи од Франција пристигнале на Крит на 3 август, а според грчките медиуми, утре требало да го напуштат популарното летувалиште.