Вујкото на 29-годишниот Михалис Кацурис, навивачот убиен во навивачка пресметка во Атина, даде емотивна изјава за грчката телевизија Open News. Ставрос Псимулакис беше видно потресен по загубата на својот внук, а особено во изјавата нагласи дека тој самиот го предупредил Михалис дека може да се случи вакво нешто.
“Михалис никогаш не озборувал и не зборувал лошо за никого. Работел чесно за својата плата и си го финансирал животот, целото наше општество го знае тоа. Неговата љубов беше АЕК, луѓето кои навиваат за АЕК и стадионот на АЕК”, рече тој. Псимулакис потоа додаде:
„Му се јавив и му реков да внимава. Ја поминаа границата, поминаа пола Грција и дојдоа овде. Нема ли никој да одговори? Некои знаеја за тоа и не си ја завршија работата. Ќе ги оплакуваме нашите деца, но злото мора да се запре. Дали нашиот министер треба да го направи тоа што го направи Тачер? Злото мора да се запре“.