Шестмината странски државјани кои беа уапсени за нивната вмешаност во убиството на еквадорскиот претседателски кандидат Фернандо Вилависенсио се Колумбијци, соопшти вчера еквадорската полиција. Седмиот осомничен, кој им подлегна на раните здобиени во престрелка со полицијата, исто така бил Колумбиец, пренесува Ројтерс.
Вилависенсио бил убиен за време на предизборен митинг во Кито, а напаѓачот бил неутрализиран по размена на оган со полицијата која го обезбедувала собирот, а останатите осомничени биле приведени по полициска рација, соопшти Државното правобранителство.
Во својот последен говор пред да биде убиен, Вилависенсио им вети на толпата дека ќе ја искорени корупцијата и ќе ги затвори „крадците“ во Еквадор.
https://twitter.com/EdKrassen/status/1689433605510983680?ref_src=twsrc%5Etfw%7Ctwcamp%5Etweetembed%7Ctwterm%5E1689433605510983680%7Ctwgr%5Eba38437253c4815a8883829cf9c1396d1aad0aec%7Ctwcon%5Es1_&ref_url=https%3A%2F%2Fpink.rs%2Fsvet%2F524610%2Fuhapsena-sestorica-osumnjicenih-za-ubistvo-ekvadorskog-politicara-svi-su-iz-kolumbije
Според анкетите на јавното мислење, Вилависенсио имал поддршка од 7,5 отсто од електоратот и бил петти најпопуларен меѓу претседателските кандидати.
По неговото убиство, еквадорскиот претседател Гилермо Ласо прогласи вонредна состојба во земјата и потпиша декрет за прогласување на тридневна национална жалост.
Сепак, собирите планирани за 20 август нема да бидат откажани.