Во грчката престолнина се воведени вонредни безбедносни мерки за денешниот дуел од Суперкупот на УЕФА. На стадионот на Олимпијакос се соочуваат „Манчестер Сити“ и шпанската „Севиља“.
Натпреварот ќе се игра 10 дена откако грчки фудбалски навивач загина во крвави фудбалски судири пред средбата меѓу АЕК и Динамо Загреб.
Пред натпреварот од Суперкупот за денеска е закажана средба на претседателот на УЕФА Александар Чеферин со грчкиот премиер Киријакос Мицотакис. Двајцата ќе се сретнат и со сопствениците на четирите најголеми фудбалски клубови во Грција.