Гитаристот Берни Марсден, кој беше дел од бендот Whitesnake во 1970-тите и 1980-тите, почина на 72-годишна возраст, соопшти неговото семејство.
Како што пренесува Independent, музичарот починал „мирно“, опкружен со семејството.
Заедно со Дејвид Ковердејл, Марсден го основал Whitesnake и учествувал во пишувањето хитови како „Here I Go Again“ и „Fool For Your Loving“, а по напуштањето на бендот се посветил на соло кариера.
On behalf of his family, it is with deep sadness we announce the death of Bernie Marsden. Bernie died peacefully on Thursday evening with his wife, Fran, and daughters, Charlotte & Olivia, by his side.
Bernie never lost his passion for music, writing and recording until the end. pic.twitter.com/9RhE2S9mDH
— Bernie Marsden (@Bernie_Marsden) August 25, 2023
„Со големо жалење ја објавуваме смртта на Берни Марсден. Берни почина мирно во четвртокот вечерта, опкружен со сопругата Фран и ќерките Шарлот и Оливија. Никогаш до самиот крај не ја изгуби страста за музика, пишување и снимање музика“, се вели во објавата на Твитер.
Фронтменот на Whitesnake Дејвид Ковердејл изјави дека е почестен што ја дели сцената со Марсден.
Good Morning…I’ve just woken up to the awful news that my old friend & former Snake Bernie Marsden has passed. My sincere thoughts & prayers to his beloved family, friends & fans. A genuinely funny, gifted man, whom I was honored to know & share a stage with
RIP, Bernie XXX pic.twitter.com/KXwsDEICN6— David Coverdale (@davidcoverdale) August 25, 2023
„Се разбудив со страшната вест дека мојот стар пријател и поранешен „Снешко“ Берни Марсден почина. Моите мисли се со неговото семејство, пријателите и обожавателите“, рече Ковердејл.
Берни Марсден е роден во Бакингем и свирел во неколку бендови пред да се приклучи на НЛО во 1972 година. Тој го формираше Whitesnake со Coverdale во 1978 година и беше дел од првите пет албуми на бендот.