Планот на Мајкрософт да ја прекине поддршката за оперативниот систем Виндоус 10 може да доведе до фрлање на околу 240 милиони компјутери во ѓубре.
Според извештаите, електронскиот отпад од овие компјутери би можел да тежи околу 480 милиони килограми, што е приближно исто како и 320.000 автомобили, според Canalis Research.
Додека многу компјутери би можеле да бидат функционални со години по завршувањето на поддршката за Windows 10, Canalis предупредува дека побарувачката за уреди без безбедносни ажурирања може да биде мала, објави Ројтерс.
Мајкрософт објави план за обезбедување безбедносни ажурирања на уредите со Windows 10 до октомври 2028 година по сè уште необјавена цена.
Ако структурата на цените за проширена поддршка за Windows 10 ги одразува минатите трендови, мигрирањето на понови компјутери може да биде поисплатливо, рече Каналис.
Мајкрософт има за цел да ја прекине поддршката за Windows 10 до октомври 2025 година, а оперативниот систем од следната генерација се очекува да донесе напредна технологија за вештачка интелигенција на компјутерите.